L'Arcusgi

        U nostru gruppu l'ARCUSGI hè natu in 1984 vicinu à Bastia da qualch'amichi passionati di cantu,è, impriittati di u riacquistu culturale hemu decisu di purtà a nostra petricella a 'ssa mossa in scrivendu è in cantendu l'amore di a nostra terra è di lù so populu. Eramu quatru cantarini è un sunadore à battaglià pè 'sse fiere, per sti paesi in cerca di qualchi paghjelle spurgulate à un bancu di caffè...

Avemu sceltu per nome di battèsimu " L'ARCUSGI " in memoria à l'arme ch'avianu i suldati di Pasquale Paoli per difende a ghjòvana Nazione Corsa.

Dapoi à so creazione, l'ARCUSGI militeghja à traversu à  li so' canti per a lingua è a cultura corsa ma dinò per a difesa di tutti i populi chì lottanu per ricunquistà li so' diritti naziunali.                 

L'ARCUSGI si definisce da per ellu cumù essendu un gruppu pulìticu-culturale.

In parechj'anni, numerosi sò stati i cantarini e musicanti à esse à fianc' à l'ARCUSGI, certi qualchi mesi, d'altri assai di più, ma tutt' ognunu pò dì ch'ellu hè statu un ardente acquaghjolu per i solchi suminati in ogni rughjoni... 

Oghje, u gruppu hè cumpostu di 5 musicanti è 9 cantatori è sempre cun listessa fede,ellu porta u so' messaghju di sperenza in tutti i lochi di Corsica è d'altrò... sianu paesi, paisoli ò cità.

                                                                                                                
                                                                                               l'Arcusgi               

    

        

                                                I primi passi di l'Arcusgi ind'è l'anni ottanta ...